ភ្នំពេញ ៖ វាជារឿងគួរឲ្យភ្ញាក់ផ្អើល និងចាប់អារម្មណ៍ខ្លាំងពីសំណាក់ទស្សនិកជន ខណៈនៅសុខៗស្រាប់តែតារាសម្ដែងចាស់វស្សានាង បូនីតា ដាដេណា បានទម្លាយប្រាប់ជាសាធារណៈជុំវិញរឿងមានគេផ្ញើសារតាមហ្វេសប៊ុកសុំដេកជាមួយនាងក្នុងតម្លៃខ្លួន៥០០ដុល្លារ។ ប៉ុន្តែទន្ទឹមគ្នានេះដែរ តារាស្រី បូនីតា ដាដេណា ក៏បានបញ្ចេញប្រតិកម្មខឹងច្រឡោតជេរបញ្ចោរបុគ្គលម្នាក់នោះផងដែរ។
បើតាមការឲ្យដឹងពីសាមីខ្លួនអ្នកនាង បូនីតា ដាដេណាបាននិយាយថា មិនដឹងថាបុរសម្នាក់នេះមកពីប្រភពណាទេ ស្រាប់តែសុខៗបានផ្ញើសារមកចូលហ្វេសប៊ុករបស់នាង ហើយមិនត្រឹមតែប្រើពាក្យសម្តីមិនសមរម្យនោះទេ ថែមទាំងប្រើសម្តីឈ្លើយហ៊ានChat ហៅទៅដេកជាមួយក្នុងតម្លៃ៥០០ដុល្លារទើបបណ្តាលឲ្យនាងមានការខឹងច្រឡោត ដោយការប្រមាថតិះដៀលនូវសម្តីអស្សរោះវិញ។
ជាមួយគ្នានេះអ្នកនាង បូនីតា ដាដេណា ក៏បានបង្ហោះនូវសាររបស់បុរសម្នាក់ដែលប្រើAcounte Facebooke ឈ្មោះ Vichet Dara , ផ្ញើសារមកយ៉ាងដូច្នេះថា គេងជាមួយបងអត់បងឲ្យ ៥០០ ដុល្លារ។ ប៉ុន្តែជាការឆ្លើយតបត្រូវបានអ្នកនាង បូនីតា ដាដេណា ផ្ទុះកំហឹងវិញថា ដេកជាមួយម៉ែហែងទៅ អាឡានបុកបែកក្បាល អញមិនខ្វះលុយចាយទេ។ អាឆ្កែសម្តីអន់ជាងសត្វ….។ ថ្វីត្បិតតែយ៉ាងនេះក្តី ម្ចាស់Acounte Facebooke ឈ្មោះ Vichet Dara ខាងលើនេះ ភ្លាមៗនោះ ពុំបានបញ្ចេញប្រតិកម្មឆ្លើយតប ឬផ្ញើសារមកអ្នកនាងបូនីតា ដាដេណា ទៀតឡើយ។
ទាក់ទងនឹងរឿងរ៉ាវខាងលើនេះដែរគេពុំទាន់ដឹងនៅឡើយទេថាតើតារាស្រីនាង បូនីតា ដាដេណា នឹងមានគម្រោងត្រៀមរៀបចំដាក់ពាក្យបណ្តឹងប្តឹងដើម្បីស្រាវជ្រាវលើការប្រើពាក្យសម្តីប្រមាថកិត្តិយសរបស់អ្នកនាងពីសំណាក់ម្ចាស់ Acounte Facebooke ឈ្មោះ Vichet Dara ឬមួយយ៉ាងទេខណៈកម្ពុជាថ្មីនៅព្រឹកថ្ងៃទី ១៤ ខែឧសភា ឆ្នាំ២០១៦ក៏មិនអាចស្វែងរកការសួរនាំបន្ថែមបាននៅឡើយទេ៕
ប្រភព៖ កម្ពុជាថ្មី
loading...
0 comments:
Post a Comment