ក្រសួងសុខាភិបាលព័រតូរីកូ បានបញ្ជាក់ កាលពីថ្ងៃសុក្រ ពីករណីដំបូងរបស់ខ្លួននៃអាការៈលលាដ៍ក្បាលរួមតូច ដែលទាក់ទងនឹងវីរុស Zika នៅក្នុងគភ៌មួយ ដោយ បង្កើនការព្រួយបារម្ភចំពោះការរាលដាលមេរោគនេះ តាមរយៈសត្វមូស ព្រមទាំងបង្កើនការព្រួយបារម្ភចំពោះកង្វះខាតសមត្ថភាពផ្នែកហិរញ្ញវត្ថុរបស់ រដ្ឋឯករាជ្យនៃសហរដ្ឋអាមេរិកមួយនេះ ដើម្បីដោះស្រាយវិបត្តិសុខភាព ដែលកំពុងកើនឡើងនេះ។
ក្រុមមន្ត្រីសុខាភិបាលសហរដ្ឋអាមេរិក បានសន្និដ្ឋានថា ការកើតមានជំងឺ ដែលបណ្ដាលមកពីវីរុស Zika ចំពោះស្ត្រីមានផ្ទៃពោះ អាចបណ្ដាលឲ្យកើតមានករណីលលាដ៍ក្បាលរួមតូច ខុសទ្រង់ទ្រាយធម្មតាចំពោះទារកទើបប្រសូត ដែលអាចឈានទៅដល់បញ្ហារីកលូតលាស់ខួរក្បាលធ្ងន់ធ្ងរ ចំពោះទារក។
អង្គការសុខភាពពិភពលោក បាននិយាយថា មានការមូលមតិគ្នាខាងវិទ្យាសាស្ត្រយ៉ាងខ្លាំងក្លាមួយ ដែលថា វីរុស Zika នេះក៏អាចបណ្ដាលឱ្យកើតជំងឺ Guillain-Barre ផងដែរ ដែលជាអាការៈជំងឺ ប្រព័ន្ធប្រសាទម្យ៉ាងដ៏កម្រ ដែលបង្កឱ្យខ្វិនជាបណ្ដោះអាសន្ន ចំពោះមនុស្សពេញវ័យ។ ការជាប់ពាក់ព័ន្ធគ្នារវាងZika និងករណី Microcephaly ជាលើកទីមួយ ត្រូវបានបំភ្លឺឡើងកាលពីរដូវស្លឹកឈើជ្រុះឆ្នាំទៅម៉ិញ នៅក្នុងប្រទេសប្រេស៊ីល ។ បច្ចុប្បន្នអាការៈ បែបនេះ មានដល់ទៅជាង ១.១០០ ករណីហើយ ដែលត្រូវបានចាត់ទុកថា វាមានការជាប់ពាក់ព័ន្ធពីការឆ្លងវីរុស
Zika ពីម្តាយទៅកូន៕
Zika ពីម្តាយទៅកូន៕
ប្រភព៖ កម្ពុជាថ្មី
loading...
0 comments:
Post a Comment