បើតាមមន្ត្រីប៉ូលិសបានអោយដឹងថា ការចាប់ខ្លួនស្ត្រីខាងលើបង្ហាញមុខជាសាធារណៈនេះ ធ្វើឡើងកាលពីថ្ងៃអាទិត្យ ទី១៦ តុលា កន្លងទៅ ចាប់តាំងពីព្រះមហាក្សត្រថៃ បានយាងចូលទិវង្គត នៅរសៀលថ្ងៃព្រហស្បត្តិ៍ ទី១៣ ខែតុលា ឆ្នាំ២០១៦ ។ លោកមេប៉ូលិស បន្តថា ស្ត្រីដែលឃាត់ខ្លួននោះមានឈ្មោះ Umaporn Sarasat អាយុ៤៣ឆ្នាំ ជាម្ចាស់អាជីវកម្មតូចមួយនៅលើកោះសាម៊ុយ ។ Sarasat ត្រូវបានចោទប្រកាន់ថា បានបង្ហោះលើបណ្តាញសង្គមហ្វេសប៊ុក ដោយមតិយោបល់មិនគោរពស្តេច នឹងត្រូវប្រឈមនឹងការចោទប្រកាន់ពីបទ ប្រមាថព្រះមហាក្សត្រ ។
ត្រូវចងចាំថា ការប្រមាថព្រះមហាក្សត្រថៃ គឺជាទង្វើមួយដែលគ្រោះថ្នាក់បំផុត នៅប្រទេសថៃ ។ រឿងពិតជាក់ស្តែង បុរសម្នាក់ឈ្មោះ ថាណាខន ត្រូវបានជាប់ឃុំខ្លួនពីបទនិយាយប៉ះពាល់សត្វឆ្កែរបស់ព្រះរាជា ភូមិបុល ដែលសម្រេចចិត្តឲ្យជាប់គុក៣៧ឆ្នាំ ។
សូមបញ្ជាក់ថា បច្ចុប្បន្នអាជ្ញាធរថៃជម្រុញឱ្យមានភាពស្ងប់ស្ងាត់ ក្រោយមានមនុស្សបានបង្ហោះមតិយោបល់រិះគន់តាមប្រព័ន្ធផ្សព្វផ្សាយសង្គមហ្វេសប៊ុក អំពីអ្នកដែលមិនពាក់សម្លៀកបំពាក់ សនិងខ្មៅ ដើម្បីកាន់ទុក្ខព្រះមហាក្សត្រគោរពជាទីសក្ការៈ។
អ្នកនាំពាក្យរដ្ឋាភិបាលម្នាក់បាននិយាយថា ប្រជាជនថៃមួយចំនួនមិនអាចមានលទ្ធភាពទិញសម្លៀកបំពាក់កាន់ទុក្ខបានទេ និងជំរុញឱ្យមានការអត់ឱន។ ខណៈតម្លៃ និងតម្រូវការសម្លៀកបំពាក់កាន់ទុក្ខ ពណ៌សនិងខ្មៅ មានការកើនឡើង ដើម្បីឲ្យពួកគេបានពាក់អាវខ្មៅកាន់ទុក្ខរយៈពេលពេញមួយឆ្នាំ ចាប់ពីព្រះចៅយូហួរសោយទិវង្គត៕
loading...
0 comments:
Post a Comment