ព្រះកាយច័ន្ទ ក្នុងឈុតកីឡានេះពិតជាអែម !

ធ្លាប់តែឃើញ ព្រះកាយច័ន្ទ ក្នុងឈុតប្រពៃណីនិងរ៉ូបរាត្រីនានា ដោយឡែក នៅថ្ងៃនេះ «ប្រជាប្រិយ » សូមនាំអារម្មណ៍ទស្សនិកជនមកទស្សនាសកម្មភាពនិងរូបភាពមួយចំនួនរបស់តារាស្រីរាង ខ្ពស់និងមានមាឌតូចស្រលូន ព្រះកាយច័ន្ទ ក្នុងឈុតហាត់ប្រាណបញ្ចេញរាងវិញម្តង តើយ៉ាងម៉េចដែរ ? ។ព្រះកាយច័ន្ទ កម្រនឹងបង្ហាញមុខជាមួយនិងឈុតសម្លៀកបំពាក់ហាត់ប្រាណខ្លាំងណាស់ ពីព្រោះមិនមែនជាចំណងចំណូលចិត្តរបស់នាង ។ដោយឡែកថ្មីៗនេះស្រាប់តែ ព្រះកាយច័ន្ទ លេចមុខក្នុងឈុតហាត់ប្រាណគួរឲ្យ ស្រលាញ់ សូម្បីតែទឹកមុខនិងកាយវិការរបស់ នាង មើលទៅពិតជាគួរឲ្យស្រលាញ់ណាស់ ។ ព្រះកាយច័ន្ទ បានឲ្យដឹងថា នាងហាត់ប្រាណដើម្បីសុខភាពល្អ មួយទៀតគឺដើម្បីឲ្យមានរាងស្អាត ។
អ្នកដែលបានឃើញរូបមួយឈុតរបស់ ព្រះកាយច័ន្ទ ម្នាក់ៗបានលាន់មាត់សរសើរថា ព្រះកាយច័ន្ទ ពិតជាមានដងខ្លួនស្អាត មិនចាញ់តារាបរទេសឡើយ ។ ក្នុងឈុតសម្លៀកបំពាក់នេះគឺ ព្រះកាយច័ន្ទ កំពុងថតផ្សាយពាណិជ្ជកម្មមួយ តែសម្រាប់ក្នុងចិត្តនាងវិញ ពិតជារីករាយខ្លាំងណាស់ នៅពេលដែលត្រូវស្លៀកសម្លៀកបំពាក់មួយឈុតនេះ ពីព្រោះបង្ហាញឲ្យឃើញថា នាងមានរាងស្លីមស្អាតមិនចាញ់តារាមួយចំនួនឡើយ ។
ព្រះកាយច័ន្ទ ពិតជាមានការជឿជាក់លើកខ្លួនបន្ទាប់ពីស្លៀកឈុតនេះ រហូតបានពោលពាក្យ មានអីស្អាតគ្រាន់បើ ! ។ ព្រះកាយច័ន្ទ កំពុងមមាញឹកនៅក្នុងការថតរឿង បន្ទាប់ពីនាងបានបដិសេធផ្អាកមិនទទួលការងារសម្តែង ក្រោយពីនាងចេញទៅសម្តែងនៅប្រទេសអូស្ត្រាលីជាលើកដំបូង កាលពីប៉ុន្មានខែមុន ។ ព្រះកាយច័ន្ទ នៅពុំទាន់មានគម្រោងនឹងចេញទៅក្រៅប្រទេសជាបន្តទៀតនៅឡើយទេ ពីព្រោះនាងជាប់រវល់ការងារនៅក្នុងស្រុក ៕