ក្រុងសេអ៊ូល: ដើរចូលបន្ទប់ទឹកស្រីអត់មានមនុស្ស ផាក ក្វាងមី លើកឧបករណ៍ស្វែងរករលកសញ្ញានៅជុំវិញចានបង្គន់ ប្រអប់ក្រដាស ដៃទ្វារ ចម្រឹងដែក និងពិតាន។
ស្ដ្រីវ័យ ៤៩ ឆ្នាំ បានប្រាប់ក្រោយពីធ្វើការត្រួតពិនិត្យក្នុងបន្ទប់បង្គន់សាធារណៈរាប់សិបនៅសារមន្ទីរក្នុងក្រុងសេអ៊ូលថា៖ «វាជាកិច្ចការខ្ញុំដែលត្រូវប្រាកដថា គ្មានកាមេរ៉ាបង្កប់ថតនារីៗបត់ដៃបត់ជើង។ វាពិតជាចម្លែកដែលមានមនុស្សចង់ឃើញស្រីៗចូលបន្ទប់ទឹក។ ប៉ុន្ដែនេះជាវិធានការចាំបាច់ក្នុងការជួយស្ដ្រីឲ្យមានអារម្មណ៍សុវត្ថិភាព»។
អ្នកស្រី ផាក គឺមានតួនាទីសំខាន់ក្នុងការទប់ទល់ «ម៉ូលកា» ឬ «វីដេអូអាសអាភាស កាមេរ៉ាបង្កប់»។ កូរ៉េខាងត្បូងមានមោទនភាពចំពោះការប្រើបច្ចេកវិទ្យាឈានមុខចាប់ពីបច្ចេកវិទ្យាអ៊ីនធឺណិតល្បឿនលឿនបំផុតរហូតដល់ទូរស័ព្ទទំនើបៗ។ ប្រជាជន ៩០ ភាគរយក្នុងចំណោមចំនួនប្រជាជនសរុប ៥០ លាននាក់ប្រើទូរស័ព្ទទំនើប ដ៏ខ្ពស់បំផុតក្នុងលោក។
ប៉ុន្ដែប្រទេសនេះមានវប្បធម៌មួយដែលបំពាក់បច្ចេកវិទ្យាដឹងពីមនុស្សមានបំណងមិនល្អ។ ការអនុវត្ដបែបនេះបានលាតត្រដាងថា ក្រុមហ៊ុនស្មាតហ្វូនទាំងអស់ដែលលក់ក្នុងប្រទេសកូរ៉េខាងត្បូងត្រូវដាក់សំឡេងពេលថតរូបភាពម្ដងៗ។
យោងតាមទិន្នន័យប៉ូលិស ចំនួនឧក្រិដ្ឋកម្មម៉ូលកា (វីដេអូអាសអាភាស កាមេរ៉ាបង្កប់) ហក់ឡើងជាង ៦ ដងពី ១១១០ ករណីដល់ ៦៦០០ ករណីក្នុងឆ្នាំ ២០១៤។
ឧក្រិដ្ឋជន ជាបុរសភាគច្រើនត្រូវបានក្រុមនារីប្រមាញ់បានសកម្មភាព មានអាយុចន្លោះពីខ្ទង់ ២០ ទៅ ៣០ ឆ្នាំ ភាគច្រើនជានិស្សិត និងបុគ្គលិកបម្រើការងារក្នុងការិយាល័យ។ អ្នកល្មើសដែលត្រូវផ្ដន្ទាទោសប្រឈមការផាកពិន័យដល់ ១០ លានវ៉ុន (៩១០០ ដុល្លារ) ឬជាប់គុកដល់ ៥ ឆ្នាំ។
អ្នកស្រី យុន ហឿងហូ ជាប៉ូលិសស៊ើបអង្កេតនៅស្ថានីយរថភ្លើងក្រោមដីក្រុងសេអ៊ូល ថា៖ «ពួកគេតែងតែស្រែកយំ និងសុំដោះលែងខ្លួន ដោយនិយាយថា ពួកគេគ្រាន់តែចង់ដឹងចង់ឃើញប៉ុណ្ណោះ»។
បុគ្គលិកការិយាល័យ លី ហេយុង វ័យ ៣៨ ឆ្នាំបានប្រាប់ AFP ថា៖ «បើខ្ញុំរាន់ត្រូវប្រើបន្ទប់ទឹកសាធារណៈ ខ្ញុំតែងតែត្រួតពិនិត្យដៃទ្វារ ឬប៊ូតុងចុចទឹក។ វាគួរឲ្យខ្លាចពីព្រោះវីដេអូជាច្រើនត្រូវបានលួចថតដោយជនសាមញ្ញ ដូចជា បុគ្គលិកការិយាល័យ»៕
loading...
0 comments:
Post a Comment