ភ្នំពេញ: តៃកុងឡានម្នាក់ បានបើករថយន្តជែង ហើយជ្រុល ទៅបុករថយន្ត ១គ្រឿងទៀត ក្នុងទិសដៅបញ្ច្រាសគ្នា ចំពីមុខពេញទំហឹង បណ្តាលឲ្យអ្នកបើកបររថយន្តម្នាក់ នោះ គាបជើងជាប់នឹងកាប៊ីនរថយន្ត ។
ហេតុការណ៍គ្រោះថ្នាក់ ដោយរថយន្តបែន២គ្រឿងបុកគ្នានេះ បានកើតឡើង កាលពីវេលាម៉ោង ៥និង៣០នាទី ព្រឹក ថ្ងៃទី២៧ ខែតុលា ឆ្នាំ២០១៦ ស្ថិតនៅតាមបណ្តោយផ្លូវជាតិលេខ៣ ភូមិពងទឹក សង្កាត់ពងទឹក ខណ្ឌដង្កោ។
ជនរងគ្រោះ គាបជាប់ក្នុងកាប៊ីនរថយន្នោះ ឈ្មោះ ប៊ី ឃុន ភេទប្រុស អាយុ៥៥ឆ្នាំ មុខរបរ បើកបររថយន្តបែន មានទីលំនៅភូមិស្លែង ឃុំរំពេរ ស្រុកបសេដ្ឋ ខេត្តកំពង់ស្ពឺ និងអ្នករួមដំណើរម្នាក់ទៀត ជាព្រូរថយន្ត ឈ្មោះ ជិន ស៊ីហា ភេទប្រុស អាយុ១៧ឆ្នាំ ត្រូវជាក្មួយ រស់នៅភូមិ ឃុំជាមួយគ្នា មិនមានរបួស។
អ្នកឃើញហេតុការណ៍ បានឲ្យដឹងថា មុនពេលកើតហេតុ គេបានឃើញរថយន្តបែន១គ្រឿង បោះពួយក្នុងល្បឿនលឿន វ៉ាជែងជ្រុលចង្កូត ទៅបុករថយន្តបែន ១គ្រឿងទៀត ម៉ាក ហ៊ីយ៉ាន់ដាយ ពណ៌ស ពាក់ស្លាកលេខ ព្រះសីហនុ 3A-3553 ដឹកថ្មពេញរថយន្ត បើកក្នុងទិសដៅបញ្ច្រាសគ្នា ចំពីមុខ យ៉ាងពេញទំហឹង បណ្តាលឲ្យអ្នកបើកបរម្នាក់ របួសជើងគាបជាប់ ក្នុងកាប៊ីនរថយន្ត ។ ចំណែកអ្នកបើកបរម្ខាងទៀត បានរត់គេចទៅបាត់។
ក្រោយពីកើតហេតុភ្លាម ក្រុមជួយសង្គ្រោះ របស់៧១១ បានមកជួយគាស់ យកជនរងគ្រោះ រួចបញ្ជូនទៅកាន់មន្ទីរពេទ្យ។ វត្ថុតាងទាំង ២ ត្រូវបានមន្ត្រីជំនាញ យកទៅរក្សាទុក ដើម្បីចាត់ការ តាមនីតិវិធី៕
ប្រភព៖ Everyday
loading...
0 comments:
Post a Comment