ហេតុការណ៍នេះ បានកើតឡើង កាលពីវេលាម៉ោង ២ រសៀល ថ្ងៃទី២៣ តុលា នៅភូមិព្រែកខ្មែរ ឃុំស្អាងភ្នំ ស្រុកស្អាង ខេត្តកណ្តាល។
ជនរងគ្រោះ ឈ្មោះ នៅ សុខៃ ភេទស្រី អាយុ៥៩ឆ្នាំ មានទីលំនៅភូមិព្រែកខ្មែរ ឃុំស្អាងភ្នំ ស្រុកស្អាង ខេត្តកណ្តាល មានមុខរបរមេផ្ទះ។
មុនពេលកើតហេតុ ឈ្មោះ នៅ សុខៃ មានសុខភាពមិនស្រួល ដោយឈឺក្បាល ត្រង់សៀតថ្កា និងស្មាខាងស្តាំ ពេលនោះ បានឲ្យកូនស្រី ឈ្មោះឡូយ ដាវណ្ណ ធ្វើសសៃឲ្យ រួចសំរាកទាំងអស់គ្នា។ រយៈពេល ១០ នាទី ក្រោយមក ឈ្មោះ សុខៃ មានអាការៈស្រម៉ុកខ្លាំង នឹងហៀរសំបោរ កន្ទ្រាក់ដៃជើង លែងកំរើកដៃជើង។ ភ្លាមនោះ ឈ្មោះដាវណ្ណ ក៏ទូរស័ព្ទ ទៅបងស្រី ឈ្មោះឡូយ ដាវី នៅប្រទេសកូរ៉េ ឲ្យដឹងពីសភាពជំងឺម្តាយ បានដំណឹងហើយ ឈ្មោះ ដាវី ក៏ទូរស័ព្ទ មកឈ្មោះ ជុង តេយ៉ុប ឲ្យជួយមើល ព្យាបាលដោយប្រើវិធី យកប៉ុយ ដុតលើក្បាលពោះ និងយកម្ជុលវិជ្ជាសាស្ត្រ ចាក់លើប្រអប់ដៃ ប្រអប់ជើង និងសៀតផ្កា បានមួយសន្ទុះ ក៏ដកម្ជុលចេញវិញ ហើយឈ្មោះសុខៃ ក៏មានសភាពដឹងខ្លួនឡើងវិញ រួចក៏នាំគ្នាសំរាក។ រហូតដល់ម៉ោង ៦ ទើបទើបឈ្មោះ ដាវណ្ណ ដាស់ម្តាយបានដឹងថា ម្តាយស្លាប់បាត់ទៅហើយ។
ក្រោយមក បានរាយការណ៍ ជូនមកសមត្ថកិច្ច មកពិនិត្យសព មានការិយាលយ័បច្ចេកទេសខេត្ត.
តាមការសន្និដ្ឋានពីលោកគ្រូពេទ្យជំនាញ ថា ជនរងគ្រោះ ស្លាប់ដោយសារដាច់សរសៃឈាមខួរក្បាល ហើយនៅលើខ្លួនសព ពុំមានស្លាកស្នាម ឬពាក់ព័ន្ធនឹងបទល្មើសអ្វីឡើយ៕
ប្រភព៖ Everyday
loading...
0 comments:
Post a Comment