សន្លប់ម្នាក់ បែកក្បាលម្នាក់ រវាងសង្គ្រាមម៉ូតូឌុប សង្ស័យជម្លោះដណ្តើមម៉ូយ

ភ្នំពេញ: បុរស ២នាក់ មានមុខរបររត់ម៉ូតូឌុប ដូចគ្នា ខណៈដែលម្នាក់ប្រដាប់ដោយកូនសោរ និងច្រវ៉ាក រីឯម្នាក់ទៀត មានត្រឹមតែដៃទទេ បានដេញវាយគ្នា យ៉ាងអនាធិបតេយ្យ ទីបំផុត បណ្ដាលឲ្យរងរបួសទាំងសង្ខាង នាយប់ថ្ងៃទី៦ ឧសភា ២០១៦ នេះ។
សាក្សីកន្លែងកើតហេតុ បានឱ្យ Post News ដឹងថា ដោយម្នាក់បែកក្បាល និងម្នាក់ទៀតសន្លប់ស្ដូកស្ដឹង នឹងកន្លែងកើតហេតុ ដែលហេតុការណ៍នេះ បានកើតឡើងនៅមុខព្រលានយន្ដហោះ អន្តរជាតិភ្នំពេញ ពោធិ៍ចិនតុង ទីតាំងស្ថិតក្នុង សង្កាត់កាកាប ខណ្ឌពោធិន៍សែនជ័យ។ មូលហេតុបណ្ដាលឲ្យបុរស ២នាក់ ខាងលើ ដេញវាយគ្នា បណ្ដាលបុរសម្នាក់បែកក្បាល និងបុរសម្នាក់សន្លប់នេះ គឺគេមិនទាន់ដឹងច្បាស់នៅឡើយទេ ប៉ុន្តែសង្ស័យ ដណ្តើមម៉ូដគ្នា ឬជាគំនុំស្នេហា យ៉ាងណាមិនទាន់ប្រាកដ។
ក្រោយពេលកើតហេតុ បុរសរងគ្រោះទាំង ២នាក់ ត្រូវរថយន្ដសង្គ្រោះ ដឹកយកទៅសង្គ្រោះ នៅមន្ទីពេទ្យ។ ព័ត៌មានពឹស្តារ Post News នឹងលម្អឹតបន្ថែម៕
photo_2016-05-07_01-23-26