ម្នាក់ៗស្រែកយំ បន្ទាប់ពីក្រឡាប់រថយន្តដឹកកម្មករព្រឹកមិញ

ខេត្តព្រះសីហនុ ៖ សេចក្តីរាយការណ៍បឋមបានឲ្យដឹងថា រថយន្តដឹកកម្មករ-កម្មការិនីកាត់ដេរ១គ្រឿងបានក្រឡាប់កាលពីវេលាម៉ោង៧ និង១៥នាទីព្រឹក ថ្ងៃទី១៣ ខែតុលា ឆ្នាំ២០១៦ នៅតាមបណ្ដោយផ្លូវជាតិលេខ៤ ចំណុចភូមិអូរចំណារ ឃុំអូរឧកញ៉ាហេង ស្រុកព្រៃនប់ ។
សេចក្តីរាយការណ៍បានឲ្យដឹងទៀតថា មុនពេលកើតហេតុ ខណៈរថយន្តដឹកកម្មករ-កម្មការិនីបានបើកគេចរថយន្តម៉ាក CRV មួយគ្រឿងដែលបែកកង់កណ្ដាលផ្លូវបណ្ដាលឲ្យជ្រុលចង្កូតទៅស្តាំដៃក្រឡាប់តែម្តង ។
សេចក្តីរាយការណ៍បន្តថា ក្នុងហេតុការណ៍នេះបណ្ដាលឲ្យកម្មករ-កម្មការិនីជាង១០នាក់បានរងរបួសធ្ងន់-ស្រាលត្រូវបានបញ្ជូនទៅសង្គ្រោះនៅមន្ទីរពេទ្យ ។