តារាសម្តែងសិចស៊ីកញ្ញា ប៊ុន ផៃលីន បានបង្ហើបកាលពីថ្មីៗថា សល់លុយច្រើនច្រើនជាងមុនសិន ទើបនាងសម្រេចចិត្តយកប្តី កុំឱ្យនាងពិបាកទំាងចិត្តទាំងកាយ ក្រោយបែកបាក់ស្នេហ៍ជាមួយអ្នកមាន នៅអូស្រ្តាលី។ ទោះបីជាមិនទាន់បើកបេះដូង រង់ចំាមើលបុរសណាក៏ដោយ ក៏នាងសព្វថ្ងៃនេះ មានបុរសជាច្រើន បានចូលមកសុំស្នេហ៍ ហើយជាពិសេស មានបុរសមកចូលស្តីបណ្តឹងនាងពីឪពុកម្តាយ ប៉ុន្តែនាងនៅតែមិនយល់ព្រម ឬ តាមគ្រួសារ នៅឡើយ។ នាងបានដាក់គោលដៅ សម្រាប់ផែនការណ៍រកលុយ រយៈពេល៥ឆ្នាំតទៅមុខទៀត ពីព្រោះនាងមានផែនការណ៍ និង មានមហិច្ឆតាខ្ពស់។
កញ្ញា ប៊ុន ផៃលីន បានបញ្ជាក់ថា ក្រោយពីរកលុយសល់បានច្រើន និងជោគជ័យលើមុខរបបរបស់នាង រួចនោះ នាងនឹងគ្រោងបញ្ចប់ការងារសិល្បៈ ប្រហែល៣ទៅ៥ឆ្នាំខាងមុខទៀត ។ នាងមិនបានគិតនាងវ័យចាស់ឡើយ នាងលែងគិតពីអាយុរបស់នាងហើយ បើទោះបីជាពេលនេះ នាងមានវ័យ២៧ឆ្នាំក៏ដោយ។ ប៉ុន្តែប្រសិនបើនាងខំប្រឹង រកឱ្យសល់លុយច្រើននោះ នាងលែងខ្វល់ពីរឿងគិតយកប្តី ឬបុរសស្នេហ៍អ្វីទៀតហើយ ពីព្រោះនាងនៅតែមានអារម្មណ៍ ខ្លាចអ្នកថ្មីធ្វើបាបចិត្តនាង អោយខូចចិត្ត ឬឈឺចាប់ ដូចមនុស្សមុន។
កញ្ញា ប៊ុន ផៃលីន បានប្រាប់កន្លងមកថា “ ពេលនេះឆ្នាំនេះ ខ្ញុំគ្មានកំណានចិត្តទេ។ ប៉ុន្តែកាលពីមុន ខ្ញុំមានបុរសជាអាណិកជនអូស្រ្តាលី តែពួកខ្ញុំបានឃ្លានឆ្ងាយពីគ្នាហើយ ជិតមួយឆ្នាំហើយ គាត់និយាយមើលទៅ គាត់ជាមនុស្សល្អគ្រប់យ៉ាង តែអ្វីដែលគាត់ធ្វើដាក់ខ្ញុំ មិនអាចទទួលយកបាន។ ដូច្នេះខ្ញុំសុខចិត្ត រស់នៅម្នាក់ឯង។ រាល់ថ្ងៃនេះ ខ្ញុំមិនទាន់មានយកនរណា ជាកំណានចិត្តទេ។ មូលហេតុដែលខ្ញុំ ចង់យកពេលនេះ ពីព្រោះខ្ញុំគិតតែរវល់រកលុយ ជាមុនសិន។ ណាមួយបំណងខ្ញុំ មិនទាន់បានសម្រេចនោះទេ។”
សូមរំលឹកថា តារាសម្តែងសិចស៊ីកញ្ញា ប៊ុន ផែលីន បានចំណាយ ២៥ម៉ឺនដុល្លារអាមេរិក ក្នុងការបើកមុខរបបបន្ទប់ជួល អោយកម្មករកម្មការិនី ឬអ្នកធ្វើការ ដែលអាចរកចំណូលក្នុងមួយខែ ជាង២ពាន់ដុល្លារ មកវិញ។ កាលពីយប់ថ្ងៃទី០៥ ខែមីនា ឆ្នាំ២០១៦ នាងបានសម្ពោធឡើងផ្ទះថ្មី របស់នាង ក្នុងសង្កាត់ចោមចៅ ខណ្ឌពោធិ៍សែនជ័យ ដោយនាងបានប្រកាសថា ផ្ទះរបស់នាងមានចំនួនពីរល្វែង ដោយមាន៤០បន្ទប់ សម្រាប់ជួលអោយអតិថិជន។ ផ្ទះរបស់នាងមានក្បាលប្រវែង ១០ម៉ែត្រ និងបណ្តោយ ២០ម៉ែត្រ។ ផ្ទះថ្មីរបស់នាងនេះ ស្ថិតក្នុងតំបន់សេដ្ឋកិច្ច ដែលសំបូរដោយរោងចក្រ កម្មករ និងប្រជាលពរដ្ឋជាច្រើន កំពុងតែរស់នៅ ដែលអាចរកស៊ីមុខរបបផ្សេងទៀត ក៏បាន ។ តំបន់របស់នាង ជាតំបន់ដែលផ្ទះ និងដី កំពុងតែមានហាងឆេងខ្ពស់។ កម្មវិធីសម្ពោធផ្ទះថ្មីរបស់នាង បានចំណាយប្រហែលជាង ១ម៉ឺនដុល្លារ ដោយមានភ្ញៀវ២០តុ និងហៅមិត្តសិល្បៈ ប្រមាណ២តុ ដើម្បីចូលរួមសម្ពោធផ្ទះរបស់នាង៕
ប្រភព៖ khmerload
loading...
0 comments:
Post a Comment