iPhone 7 Plusទើបចេញកំពុង តែល្បីផងឥលូវមានបញ្ហា ផ្ទុះឆេះមួយបាត់

បន្ទាប់ពីក្រុមហ៊ុន Apple ដាក់បង្ហាញជាផ្លូវនូវកំពូល Smartphone ជំនាន់ថ្មីគឹ iPhone 7 និង iPhone 7 Plus ដែលទទូលបានការពេញនិយមយ៉ាងខ្លាំង ពីសំណាក់អ្នកប្រើប្រាស់។ ហើយបន្ទាប់ពី Smartphone របស់ក្រុមហ៊ុន Samsung គឺ Galaxy Note 7 បានមានបញ្ហាផ្ទុះឆេះធ្វើឲ្យមានការភ្ញាក់ផ្អើលពេញពិភពលោកមក ឥលូវនេះស្រាប់តែលេចលឺព័ត៌មានផ្ទុះឆេះ iPhone 7 Plus មួយគ្រឿងដែរ។
ខុសប្លែកពី Note 7 ដែលមានបញ្ហាផ្ទុះឆេះ ដោយសារបញ្ហាថ្ម សម្រាប់ 7 Plus នេះវិញត្រូវបានម្ចាស់ទូរស័ព្ទឲ្យដឹងថា រូបគេបានកុម្ម៉ង់ទិញពីក្រុមហ៊ុន Apple ហើយស្រាប់តែពេលទូរស័ព្ទមកដល់ គេបើកមើលក៏ឃើញទូរស័ព្ទនោះ ផ្ទុះឆេះខ្លោចរួចទៅហើយនៅក្នុងប្រអប់តែម្តង។ ម្ចាស់ទូរស័ព្ទនោះបានឲ្យដឹងទៀតថា រូបគេមិនច្បាស់ថា តើបញ្ហាមួយនេះកើតចេញពីក្រុមហ៊ុន Apple ផ្ទាល់ ឬក៏កើតឡើង ដោយសារក្រុមហ៊ុនដឹកជញ្ចូនឡើយ។
ពេលនេះក្រុមហ៊ុន Apple បានធ្វើការទាក់ទងទៅកាន់ម្ចាស់ទូរស័ព្ទ ដើម្បីសាកសួរ និងធ្វើការស៊ើបអង្កេតលើករណីនេះ៕