កងរាជអាវុធហត្ថ ខេត្តសៀមរាប ប្រកាសស្វែងរក សាច់ញ្ញាតិ បុរសម្នាក់ ដែលខ្មាន់កំភ្លើង បាញ់សម្លាប់

ខេត្តសៀមរាប៖ ក្រោយពីមាន អំពើឃាតកម្ម កើតឡើង នៅព្រឹកមិញ ដោយខ្មាន់កំាភ្លើង បានបាញ់ទម្លុះ បំពង់ក បុរសម្នាក់ បណ្ដាលឲ្យ ស្លាប់យ៉ាង ព្រៃផ្សៃនោះ ។ កងរាជអាវុធហត្ថ ខេត្តសៀមរាប ប្រកាសស្វែងរក សាច់ញ្ញាតិ ជនរងគ្រោះ។
លោកវរសេនីយ៍ឯក ស្រី យូរ៉ា មេបញ្ជាការ រងកងរាជអាវុធហត្ថ ខេត្តសៀមរាប បានថ្លែងថា រហូតមក ដល់ម៉ោង៥និង៣០នាទីល្ងាចនេះ នៅមិនទាន់ ស្គាល់អត្តសញ្ញាណ ជនរងគ្រោះ នៅឡើយទេ។ លោកបន្ថែមថា ករណីនេះ មិនទាន់ដឹងថា ផ្ដើមចេញពីអ្វី ពិតប្រាកដ ដោយកំពុងតែ ស៊ើបអង្កេត។

លោកឧត្តមសេនីយ៍ត្រី ភឹង ចិន្ដារ៉េត ស្នងការរង ខេត្តសៀមរាប និងជាប្រធាន កណ្ដាល យុត្តិធ៌ម បានថ្លែងថា តាមការ ស្រាវជ្រាវ បឋម របស់សមត្ថកិច្ច ជនរងគ្រោះ មិនមែន ជាអ្នករស់នៅ ខេត្តសៀមរាប នោះទេ ។ ជនរងគ្រោះ បានជិះរថយន្ត ចេញពី ក្រុងភ្នំពេញ កាលពីរសៀល ថ្ងៃទី២៦កញ្ញា ម្សិលមិញ។

លោកស្នងការង បន្ថែមថា រហូតមកដល់ ពេលនេះ នៅមិនទាន់ ស្គាល់អត្តសញ្ញាណ ជនរងគ្រោះនោះទេ ។ ប៉ុន្តែរឿងនេះ អាចជារឿង គុំនុំ ។
គួបញ្ជាក់ថា នៅថ្ងៃទី២៧ ខែកញ្ញា ឆ្នាំ២០១៦ ព្រឹកមិញ បុរសម្នាក់ ត្រូវបាន ប្រជាពលរដ្ឋ ប្រទះឃើញ ដេកស្លាប់ ស្ថិតនៅ ក្រុមទី៤ ក្នុងភូមិត្រពាំងរុន សង្កាត់អំពិល ក្រុង-ខេត្តសៀមរាប តាមបណ្ដោយ ផ្លូវ៦០ម៉ែត្រ ចម្ងាយពីរង្វង់មូល ព្រៃគុយ ប្រហែល៣គីឡូម៉ែត្រ បង្កការភ្ញាក់ផ្អើល ដល់ប្រជាពលរដ្ឋ ហើយបានរាយការណ៍ជូនសមត្ថកិច្ច ក្រោយពីទទួល បានដំណឹង សមត្ថកិច្ច អាវុធហត្ថបាន ទៅដល់ កន្លែងកើតហេតុ ពិនិត្យសាកសព ជនរងគ្រោះត្រូវ បានជនមិនស្គាល់ មុខបាញ់មួយ គ្រាប់ចំកធ្លាយ មកក្រោយ នៅជាប់ ខ្លួនជនរងគ្រោះ មានសំបុត្រឡានក្រុង ០១សន្លឹក។

តាមប្រភពពី មន្រ្តីអាវុធហត្ថ ដែលបានចុះពិនិត្យ ក្នុងហេតុការណ៍ នោះបានឲ្យដឹងថា ករណីខាងលើនេះ សមត្ថកិច្ចកំពុង ធ្វើការស្រាវជ្រាវបន្ត រកសាវតារជនរងគ្រោះ ដែលមានអាយុ ប្រហែលជា២៦ឆ្នាំ
កំពស់១ម៉ែត្រ៦៩ ស្លៀកខោខោប៊យ
ពណ៍ខៀវ អាវដៃវែងពណ៍ ខៀវអុចពណ៍ស សក់ខ្លីពណ៍ខ្មៅ សំបុលសណ្តែកបាយ ពាក់មួកពណ៍ខ្មៅ ស្បែកជើង ផ្ទាត់ពណ៍ស រូបក្រពើខាងលើ មានរូបសក្ក័កងចក្រ នៅស្មាខាងស្តាំ។

បច្ចុប្បន្នសាកសព ត្រូវបានដឹកយកទៅ រក្សាទុកនៅ ក្នុងវត្តគោកចាន់ រង់ចាំស្រាវជ្រាវ រកសាច់ញាតិ មកទទួលយកទៅធ្វើបុណ្យ។
លេខទូរស័ព្ទទំនាក់ទំនង: 012630645/0976777555/0977222251