បាត់ដំបង ៖ គ្រឿងស្រវឹងតែងតែធ្វើអោយមនុស្សបាត់បង់នៅពេលដែលប្រើប្រាស់វាលើសកំរិត ដែលអាចបណ្តាលអោយមានគ្រោះថ្នាក់ផ្សេងៗប៉ះពាល់ដល់អាយុជីវិត ជាក់ស្តែងដូចជាបុរសម្នាក់ផឹកស្រវឹងរាល់ថ្ងៃ រហូតដល់ប្រជាជនរស់នៅក្នុងភូមិជាមួយប្រទះឃើញសាកសពអណ្តែតទឹក។
លោកវរសេនីយ៍ទោ គិត ហ៊ាង អធិការនគរបាលស្រុកមោងឬស្សី បានអោយដឹងថា នៅថ្ងៃទី២៨ ខែកញ្ញា ឆ្នាំ២០១៦ ម៉ោង ១២:៣០នាទី ប្រជាពលរដ្ឋឈ្មោះ វ៉ាន់ ណាក់ ភេទប្រុស អាយុ ៥៣ឆ្នាំ នៅភូមិស្ទឹងចក ឃំុព្រៃតូច ស្រុកមោងឬស្សី ជាមនុស្សស្រវឹងស្រាជាប្រចាំថ្ងៃ បានបាត់ពីផ្ទះ លុះដល់ថ្ងៃទី២៩ ខែកញ្ញា ឆ្នាំ២០១៦ ម៉ោង ១៧:៣០នាទី ស្រាប់តែឃេីញស្លាប់អណ្តែតក្នុងទឹកស្ទឹងនៅភូមិឃំុខាងលើ ។
ដោយឆ្លងតាមការចុះពិនិត្យនៅកន្លែងកើតហេតុ និងសាកសពរបស់ជនរងគ្រោះឈ្មោះ វ៉ាន់ ណាក់ សមត្ថកិច្ចអាចសន្និដ្ឋានបានថាជនរងគ្រោះ ពិតជាផឹកស្រស្រវឹងធ្លាក់ចូលទឹកស្ទឹងលង់ស្លាប់ពិតប្រាកដមែន។ បច្ចុប្បន្ន សាកសពជនរងគ្រោះត្រូវបានគ្រួសារយកទៅធ្វើពិធីបុណ្យសពតាមប្រពៃណីទំនៀមទំលាប់ខ្មែរ៕
loading...
0 comments:
Post a Comment