កំពុងតែដេកលង់លក់ម៉ោង២យប់ រលំផ្ទះសង្កត់, សមាជិកក្នុងគ្រួសារ១១នាក់ របួសធ្ងន់ស្រាល

ខេត្តកណ្ដាល៖ កាលពីវេលាម៉ោង២និង២០នាទីរំលងអា ធ្រាតឈានចូលថ្ងៃទី៦វិច្ឆិកា២០១៦នេះ នៅចំណុចភូមិលេខ៥ ឃុំស្វាយរលំ ស្រុកស្អាង ខេត្តកណ្ដាល។ ដោយសារភ្លៀងមួយមេលាយឡំជាមួយនិងខ្យល់កន្រ្តាក់ បានវាយប្រហារផ្ទះប្រជាពលរដ្ឋចំនួន០១ខ្នងបណ្ដាលឲ្យរលំ។ ផ្ទះខាងលើមានទំហ៊ំ០៧ គុណ០៩ ម៉ែត្រ ធ្វើអំពីឈើ ប្រក់ក្បឿង មានម្ចាស់ផ្ទះឈ្មោះ អិច អឿន ភេទប្រុស អាយុ ៧៨ឆ្នាំ និង ប្រពន្ធឈ្មោះ មាច អុស ភេទស្រី អាយុ ៧៦ឆ្នាំ និងមានសមាជិកស្នាក់នៅចំនួន១១នាក់ ប្រុស ០៤នាក់ ក្នុងនោះក៏បណ្តាលអោយសង្កត់មនុស្ស របួសធ្ងន់ ០២នាក់ស្រី និងរបួសស្រាល ០៥នាក់ ស្រី០២នាក់ ។
ក្នុងហេតុការខាងលើ ក៏មានការជួយសង្គ្រោះពីសំណាក់បងប្អូនប្រជាពលរដ្ឋរស់នៅជិតខាងគ្នានិង សមត្ថកិច្ចប៉ុស្ដិ៍នគរបាលរដ្ឋបាលស្វាយរលំ ធ្វើការជួយសង្គោ្រះជនរងគ្រោះ និងបានបញ្ជូនជនរងគ្រោះចំនួន០២នាក់ ដែលរបួសធ្ងន់ ទៅព្យាបាលនៅមន្ទីរពេទ្យជ័យជំនះ ខេត្តកណ្ដាលបានទាន់ពេលវេលាផងដែរ៕