loading...
ខេត្តព្រះសីហនុ៖ កាលពីវេលាម៉ោង៨និង០០នាទី ថ្ងៃទី១៥វិច្ឆិកា២០១៦យប់មិញនេះ មានករណីគ្រោះថ្នាក់ ចរាចរណ៍មួយកើតឡើងនៅលើផ្លូវទៅអូរត្រេះ(ចុះពីកែងអាវុធហត្ថក្រុង ឆ្ពោះទៅ វត្តអូរត្រេះ) ស្ថិតក្នុង ក្រុម៥ ភូមិ៦ សង្កាត់លេខ៤ ក្រុងព្រះសីហនុ, វាងម៉ូតូម៉ាក Honda C-125 ពណ៌ខ្មៅ ស្លាកលេខ ព្រះសីហនុ 1B-2201 អ្នកបើកបរឈ្មោះ វ៉ាន់ ឆៃ ភេទប្រុស អាយុ ១៥ឆ្នាំ ទីលំនៅ ភូមិ៦ សង្កាត់លេខ៤ ក្រុងព្រះសីហនុ មានទិសដៅ ពីជើង -ត្បូង លុះមកដល់ចំនុចកើតហេតុខាងលើ បានបុក នឹង ម៉ូតូ មួយគ្រឿងម៉ាក Ari Blade ពណ៌ខ្មៅ ស្លាកលេខ តាកែវ 1A-6646 អ្នកបើកបរ ឈ្មោះ ឆែម សុភា ភេទប្រុស អាយុ ៣៨ឆ្នាំ មុខរបរ កម្មករសំណង់ ទីលំនៅ ភូមិទួលត្នោត ឃុំគគីរ ស្រុកកៀនស្វាយ ខេត្តកណ្តាល មានទិសដៅបញ្ច្រាស់គ្នា ។
ប្រភពពីមន្ត្រីអាវុធហត្ថបានឲ្យដឹងថា ករណីនេះបណ្តាលឲ្យស្លាប់ មនុស្សប្រុសម្នាក់ នៅកន្លែងកើតហេតុ( អ្នកបើកបរ ម៉ូតូម៉ាក Ari Blade គ្រួសារយកទៅធ្វើបុណ្យតាមប្រពៃណី)
ឯរងរបួសធ្ងន់ ក្មេងប្រុសម្នាក់(អ្នកបើកបរម៉ូតូម៉ាក Honda C-125 បញ្ជូនទៅសង្គ្រោះព្យាបាលនៅមន្ទីរពេទ្យបង្អែកខេត្តព្រះសីហនុ )។
ម៉ូតូទាំង២គ្រឿង ខូចខាតកំរិតមធ្យម នគរបាលចរាចរណ៍ យកទៅរក្សាទុកនៅការិយាល័យ នគរបាលចរាចរណ៍ផ្លូវគោក៕
ប្រភព៖
VD7NEWS
loading...
0 comments:
Post a Comment