ជីវិតអ្នកក្រកម្មករត្បូង ត្រូវបានគេប្រទះឃើញស្លាប់ក្នុងរណ្តៅ

ខេត្តប៉ៃលិន ៖ កាលពីព្រឹកថ្ងៃទី០២ ខែវិច្ឆិកា ឆ្នាំ២០១៦នេះ ជីវិតអ្នកក្រកម្មករជីករកត្បូងម្នាក់ ត្រូវបានគេប្រទះឃើញស្លាប់នៅក្នុងរណ្ដៅ ស្ថិតនៅភូមិថ្នល់ទទឹង ឃុំអូរអណ្ដូង ស្រុកសាលាក្រៅ ខេត្តប៉ៃលិន ។ បើតាមការពិនិត្យ និងការសន្និដ្ឋានរបស់សមត្ថកិច្ចថា ជនរងគ្រោះមានឈ្មោះ អូន ស៊ី ភេទប្រុស អាយុ៥១ឆ្នាំ បានស្លាប់ដោយសារខ្សែភ្លើងឆក់ នៅពេលប្រើប្រាស់ភ្លើង ដើម្បីបំភ្លឺជីករកត្បូងក្នុងរណ្តៅ ។ ក្រោយពិនិត្យរួច សពត្រូវបានក្រុមគ្រួសារ នាំយកទៅធ្វើបុណ្យតាមប្រពៃណី ៕