ភ្នំពេញ: មើលទៅដំណឹងចូលរោងការ ខណៈដែលមហាជនចង់ដឹងដោយក្តីអន្ទះសារ រវាងតារាសម្តែងស្រីចាស់វស្សាមេម៉ាយកូនមួយអ្នកនាង ចន ច័ន្ទលក្ខិណា អតីតភរិយារបស់តារាសម្តែងប្រុសជើងចាស់គឺលោក យុត្ថារ៉ា ឆានី និងគូស្នេហ៍ថ្មីជាអ្នកជំនួញពោះម៉ាយកូនមួយដែរគឺលោក ហេង ឡុង ហៅរដ្ឋ នោះជិតមានពន្លឺក្នុងពេលឆាប់ៗនេះហើយ! ដោយសារតែពេលថ្មីៗនេះ គេបានឃើញលោក ហេង ឡុង បង្ហោះរូបមួយសន្លឹក ដោយមានរូបលោក និងលោកអាចារ្យដេញពេលាមង្គលនៅក្នុងសភាពមួយមានកាយវិការត្រងត្រាប់ ចាំស្តាប់ ដោយយកចិត្តទុកដាក់មែនទែន ហើយក៏បង្ហើរសារមួយឃ្លាថា៖ «មកជួបលោកគ្រូចាក់គម្ពីរ រកថ្ងៃរៀបការ»។
សារនោះក៏បង្កឲ្យមានការភ្ញាក់ផ្អើលទាំងក្នុងមជ្ឈដ្ឋានអ្នកគាំទ្រ និងមិត្តអ្នកសិល្បៈតែម្តង បន្ទាប់ពីអ្នកទាំងពីរបានស្វែងយល់ចិត្តគ្នា និងបណ្តើរគ្នាដោយបើកចំហយូរក្រែលណាស់មកហើយ និងធ្លាប់មានដំណឹងលេចឮថា បុរសពោះម៉ាយកូនមួយរូបនេះ ក៏បានសន្យាដែរថា នឹងកំណត់ថ្ងៃរៀបការនាពេលសង់ផ្ទះវីឡាសម្រាប់រួមរស់ជាមួយគ្នា ក្រោយថ្ងៃរៀបការរួច។
ស្រាយចម្ងល់ និងចង់ដឹងច្បាស់ថា លោក ហេង ឡុង ពិតជាបានទៅរើសរកពេលាដើម្បីថ្ងៃរៀបការមែន ឬយ៉ាងណានោះ ភ្នំពេញប៉ុស្តិ៍ បានទទួលបានការបកស្រាយពីលោក ហេង ឡុង កាលពីថ្ងៃម្សិលមិញផងដែរថា៖ «អូ! តាមពិតទៅជាសារសម្តីខ្ញុំគ្រាន់តែនិយាយលេងប៉ុណ្ណោះ! ហើយនោះគឺជារូប ដែលខ្ញុំថតជាមួយនឹង លោក ឃ្លាំង ហួត ដែលជាអភិបាលខណ្ឌឬស្សីកែវ ទេតើ ខណៈខ្ញុំរួមដំណើរនៅក្នុងពិធីដង្ហែកឋិនទានទៅកាន់ខេត្តពោធិ៍សាត់ ជាមួយគាត់នាពេលថ្មីៗនេះ ហើយក៏បានឆៀងចូលលេង នៅឯកន្លែងរមណីយដ្ឋានអ្នកតាឃ្លាំងមឿង ក៏ចូលចាក់គម្ពីរលេងទៅ»។
បើទោះជាពេលារៀបការនៅតែស្រពិចស្រពិលផ្ទុយពីសកម្មភាពបណ្ដើរគ្នា ត្រសងទាំងចាស់ទុំ និងកូនៗទាំងសងខាងទទួលស្គាល់ហើយក្ដី ពាក់ព័ន្ធទៅនឹងរឿងថ្ងៃមង្គលការទៅតាមប្រពៃណីខ្មែរ ដើម្បីបំពេញមុខចាស់ទុំទាំងសងខាងនោះ ក៏ត្រូវលោក ហេង ឡុង បង្ហើបឲ្យដឹងជាតម្រុយខ្លះៗដែរថា៖ «ចំពោះថ្ងៃចូលរោងការនោះ សម្រាប់ពួកយើងពិតជាមានមែន។ ដោយសារយើងទាំងពីរ សុទ្ធតែធ្លាប់បានឆ្លងកាត់ថ្ងៃមង្គលការរៀងៗខ្លួន រួចម្តងមកហើយ ដូច្នេះសម្រាប់លើកទី ២ នេះ ពួកយើងនៅចង់បានពេលវេលាមួយ ឲ្យបានសមស្របក្រែលបន្តិចសិនក្នុងការស្វែងយល់ចិត្តគ្នាឲ្យបានច្រើន បន្តទៀត ហើយណាមួយមកដល់ពេលវ័យនេះ ក៏ពួកយើងបានយល់ច្បាស់ផងដែរថា ថ្ងៃមង្គលការហាក់គ្រាន់តែជាពេលវេលាមួយ កើតបន្ទាប់បន្សំពីការយល់ចិត្តថ្លើមគ្នាតែ ប៉ុណ្ណោះ»។
ប្រភព៖ ភ្នំពេញប៉ុស្ត៏
សារនោះក៏បង្កឲ្យមានការភ្ញាក់ផ្អើលទាំងក្នុងមជ្ឈដ្ឋានអ្នកគាំទ្រ និងមិត្តអ្នកសិល្បៈតែម្តង បន្ទាប់ពីអ្នកទាំងពីរបានស្វែងយល់ចិត្តគ្នា និងបណ្តើរគ្នាដោយបើកចំហយូរក្រែលណាស់មកហើយ និងធ្លាប់មានដំណឹងលេចឮថា បុរសពោះម៉ាយកូនមួយរូបនេះ ក៏បានសន្យាដែរថា នឹងកំណត់ថ្ងៃរៀបការនាពេលសង់ផ្ទះវីឡាសម្រាប់រួមរស់ជាមួយគ្នា ក្រោយថ្ងៃរៀបការរួច។
ស្រាយចម្ងល់ និងចង់ដឹងច្បាស់ថា លោក ហេង ឡុង ពិតជាបានទៅរើសរកពេលាដើម្បីថ្ងៃរៀបការមែន ឬយ៉ាងណានោះ ភ្នំពេញប៉ុស្តិ៍ បានទទួលបានការបកស្រាយពីលោក ហេង ឡុង កាលពីថ្ងៃម្សិលមិញផងដែរថា៖ «អូ! តាមពិតទៅជាសារសម្តីខ្ញុំគ្រាន់តែនិយាយលេងប៉ុណ្ណោះ! ហើយនោះគឺជារូប ដែលខ្ញុំថតជាមួយនឹង លោក ឃ្លាំង ហួត ដែលជាអភិបាលខណ្ឌឬស្សីកែវ ទេតើ ខណៈខ្ញុំរួមដំណើរនៅក្នុងពិធីដង្ហែកឋិនទានទៅកាន់ខេត្តពោធិ៍សាត់ ជាមួយគាត់នាពេលថ្មីៗនេះ ហើយក៏បានឆៀងចូលលេង នៅឯកន្លែងរមណីយដ្ឋានអ្នកតាឃ្លាំងមឿង ក៏ចូលចាក់គម្ពីរលេងទៅ»។
បើទោះជាពេលារៀបការនៅតែស្រពិចស្រពិលផ្ទុយពីសកម្មភាពបណ្ដើរគ្នា ត្រសងទាំងចាស់ទុំ និងកូនៗទាំងសងខាងទទួលស្គាល់ហើយក្ដី ពាក់ព័ន្ធទៅនឹងរឿងថ្ងៃមង្គលការទៅតាមប្រពៃណីខ្មែរ ដើម្បីបំពេញមុខចាស់ទុំទាំងសងខាងនោះ ក៏ត្រូវលោក ហេង ឡុង បង្ហើបឲ្យដឹងជាតម្រុយខ្លះៗដែរថា៖ «ចំពោះថ្ងៃចូលរោងការនោះ សម្រាប់ពួកយើងពិតជាមានមែន។ ដោយសារយើងទាំងពីរ សុទ្ធតែធ្លាប់បានឆ្លងកាត់ថ្ងៃមង្គលការរៀងៗខ្លួន រួចម្តងមកហើយ ដូច្នេះសម្រាប់លើកទី ២ នេះ ពួកយើងនៅចង់បានពេលវេលាមួយ ឲ្យបានសមស្របក្រែលបន្តិចសិនក្នុងការស្វែងយល់ចិត្តគ្នាឲ្យបានច្រើន បន្តទៀត ហើយណាមួយមកដល់ពេលវ័យនេះ ក៏ពួកយើងបានយល់ច្បាស់ផងដែរថា ថ្ងៃមង្គលការហាក់គ្រាន់តែជាពេលវេលាមួយ កើតបន្ទាប់បន្សំពីការយល់ចិត្តថ្លើមគ្នាតែ ប៉ុណ្ណោះ»។
loading...
0 comments:
Post a Comment