មានហេតុការណ៍គ្រោះថ្នាក់ចរាចរណ៍មួយបណ្ដាលឲ្យមនុស្សប្រុសស្រីចំនួន៣នាក់ បានរងរបួសធ្ងន់ធ្ងរក្នុងហេតុការណ៌គ្រោះថ្នាក់ចរាចរណ៌រថយន្តបុកជាមួយម៉ូតូជិះ ឌុបគ្នា៣នាក់ក្នុងទិសដៅបញ្ច្រាសគ្នា។
យោងតាមមន្ត្រីកងរាជអាវុធហត្ថមូលដ្ឋានស្រុកព្រៃនប់ដែលចុះទៅការពារនិង សម្រួលចរាចរណ៍នៅកន្លែងកើតហេតុបានឲ្យដឹងថា ករណីគ្រោះថ្នាក់ចរាចរណ៍នេះបានកើតឡើងរវាងរថយន្តកាមរីគូថស្វិតសេរីឆ្នាំ៩១ពណ៌ ឈាមជ្រូក ពាក់ផ្លាកលេខខ៨១២៧ភព២ បើកបរក្នុងទិសដៅពីភ្នំពេញឆ្ពោះទៅខេត្តព្រះសីហនុ មកដល់ចំណុចកើតហេតុក៏បុកម៉ូតូូម៉ាកស្កូបពី ពណ៌ខៀវ គ្មានស្លាកលេខ ក្នុងទិសដៅបញ្ច្រាសគ្នាបណ្តាលឲ្យភាគីខាងម៉ូតូបើុងផ្លោងហោះទៅបុកកញ្ជក់ រថយន្តផ្នែកខាងមុខរងរបួសអ្នកបើកម៉ូតូយ៉ាងធ្ងន់ធ្ងរចំនែកអ្នកជិះ២នាក់ ផ្សេងទៀតរបួសធ្ងន់ផងដែរ។ភ្លាមៗនេះគេមិនទាន់ដឹងថាករណីគ្រោះថ្នាក់ចរាចរណ៍នេះ ភាគីខាងណាជាអ្នកបង្កនោះទេ។ក្រោយកើតហេតុអ្នកបើកបររថយន្តបានចុះពីលើរថយន្តហើយ រត់គេចខ្លួនបាត់ស្រមោលចោលរថយន្តរួមនិងជនរងគ្រោះដេករណូករណែលក្នុងថ្លុកឈាម យ៉ាងអាណោចអាធ័ម។
មន្ត្រីអាវុធហត្ថបានបន្តទៀតថា ជនរងគ្រោះជាអ្នកបើកម៉ូតូឈ្មោះលី ហឺន ភេទប្រុស អាយុ២៥ឆ្នាំ មុខកម្មកររោងចក្រកាប់គោ មានទីលំនៅភូមិព្រែកទាល់ ឃុំទឹកថ្លា ស្រុកព្រៃនប់ ខេត្តព្រះសីហនុ រងរបួសធ្ងន់ និងអ្នករួមដំណើរ២នាក់ទៀត១-ឈ្មោះ សាន ស្រីលីន ភេទស្រី អាយុ ១៨ ឆ្នាំ រងរបួសធ្ងន់ មុខរបរកម្មករមានទីលំនៅភូមិកំពង់ចិន ឃុំទឹកថ្លា ស្រុកព្រៃនប់ ខេត្តព្រះសីហនុ ទី ២-ឈ្មោះ ខឿន សារ៉េត ភេទស្រី អាយុ៥៥ឆ្នាំមុខរបរមេផ្ទះមានទីលំនៅដូចអ្នកទី១រងរបួសធ្ងន់ ។ក្រោយកើតហេតុអ្នកបើកម៉ូតូដោយសារមានសភាពធ្ងន់ធ្ងរត្រូវបានក្រុមគ្រួសារ បញ្ជូនទៅសង្គ្រោះបន្ទាន់នៅមន្ទីរពេទ្យភ្នំពេញ ដោយឡែកស្ត្រីអ្នករួមដំណើរ២នាក់ទៀតបានសំរាកព្យាបាលនៅគ្លីនិចវាលរេញ។
បច្ចុប្បន្នម៉ូតូនិងរថយន្តត្រូវបានយកទៅរក្សាទុកនៅអធិការនគរបាលស្រុកព្រៃនប់ដើម្បីដោះស្រាយតាមផ្លូវច្បាប់តាមក្រោយ៕
ប្រភព៖ VD7NEWS
loading...
0 comments:
Post a Comment