នៅថ្ងៃកើតហេតុ នារីម្នាក់បាននាំម្តាយ និងកូនរបស់នាងមកញ៉ាំស៊ុបនៅក្នុងហាងនោះ ប៉ុន្តែនាងខកចិត្តជាខ្លាំងហើយឈ្លោះគ្នាជាមួយបុរសជាបុគ្គលិក ព្រោះតែទឹកស៊ុបគេដាក់ឲតិចពេក និងសេវាកម្មហាក់ដូចជាមិនល្អសោះព្រមទាំងនិយាយសម្តីមិនសមរម្យទៀត។ ដោយហេតុនេះហើយ នាងក៏បានថតរូបហាងស៊ុបនោះយកទៅបង្ហោះចូលបណ្តាញសង្គម ដើម្បីប្រាប់អ្នកផ្សេងទៀតកុំឲមកញ៉ាំ ព្រោះតែសេវាកម្មរបស់បុគ្គលិកមិនល្អទេ តែរំពេចនោះបុរសជាបុគ្គលិកឃើញហើយក៏បានមកឈ្លោះគ្នាម្តងទៀតដោយសុំឲនារីនោះលុប រូប ដែលបានបង្ហោះចេញ ប៉ុន្តែនាងមិនព្រម។
អង្វរគេមិនព្រមខឹងខ្លាំងពេក បុរសរូបនោះបានចូលទៅក្នុងផ្ទះបាយ ហើយលើកយកទឹកស៊ុបក្តៅៗដែលកំពុងតែពុះមួយឆ្នាំងធំចេញមករួចលើកចាក់ពីលើនារីរូប នោះតែម្តងធ្វើឲនាងត្រូវឈឺចាប់ពើតផ្សាយ៉ាងខ្លាំងព្រោះតែត្រូវទឹកក្តៅរលាកពេញ ខ្លួន។ មិនត្រឹមតែចាក់ទឹកក្តៅពីលើទេ បុរសរូបនោះបានបោចសក់នាងអូសចេញពីកៅអី ហើយបានទាត់ធាក់វាយដំទៅលើរូបរាងកាយរបស់នាងថែមទៀតផងធ្វើឲនាងត្រូវរបួសឡើងទ្រោម ខ្លួនទាំងដែលនាងញ៉ាំស៊ុបមិនទាន់អស់។
បន្ទាប់ពីត្រូវរបួសហើយ នាងក៏ត្រូវបានគេបញ្ជូនទៅមន្ទីរពេទ្យដើម្បីព្យាបាលរបួសដោយពេទ្យប្រាប់ថាខ្លួន របស់នាងគឺត្រូវរលាកស្រោចសព្វអស់ ៤២ភាគរយទៅហើយ។ ព្រោះតែកើតទុក្ខមិនសុខចិត្តនឹងទង្វើរបស់បុគ្គលិករូបនោះ នារីរងគ្រោះបានធ្វើការដាក់ពាក្យបណ្ដឹងប្តឹងតែម្តងដោយទាមទារសំណងជាទឹកប្រាក់ ចំនួន ២៣៧០០០យ័ន (ប្រហែល ៣៥០០០ដុល្លារអាមេរិច)។
ចុងក្រោយតុលាការបានសម្រេចឲនាងឈ្នះក្តី ហើយតម្រូវឲហាងស៊ុបមួយកន្លែងនោះបង់លុយសងជម្ងឺចិត្តឲនាងតែម្តងទៅ ព្រមទាំងមានចេញថ្លៃមន្ទីរពេទ្យ និងថ្លៃព្យាបាលឲនាងទាំងអស់ផងដែរ។
loading...
0 comments:
Post a Comment