ថ្ងៃចន្ទ ទី២៥ ខែមេសា ឆ្នាំ២០១៦
ខេត្តកំពង់ស្ពឺ ៖ ណាហ្គាវើលបេះដូងសប្បុរស ថ្មីនេះៗបានឧបត្ថម្ភថវិកាចំនួន៣.៨០០ដុល្លារអាមេរិកដល់សាលាបឋមសិក្សារស្មីសាមគ្គី ក្នុងភូមិដំណាក់ត្រាច ឃុំទួលអំពិល ស្រុកបសេដ្ឋ ខេត្តកំពង់ស្ពឺ។ ការឧបត្ថម្ភនេះ គឺបានមានការចូលរួមរបស់បុគ្គលិក និងភ្ញៀវ។ អ្នកភូមិ អាជ្ញាធរមូលដ្ឋាន និងលោកគ្រូ អ្នកគ្រូ មានក្តីរំភើបរីករាយដែលបានទទួលការឧបត្ថម្ភពីណាហ្គាវើលបេះដូងសប្បុរស ។
លោក James Ma នាយកផ្នែកទំនាក់ទំនងបុគ្គលិក និងការងារសង្គមណាហ្គាវើល បានមានប្រសាសន៍ថា «គោលបំណងនៃការឧបត្ថម្ភនេះ គឺដើម្បីជួយសាងសង់ឡើងវិញនូវអគារសាលារៀនរបស់ពួកគេដែលបានបំផ្លិចបំផ្លាញដោយសត្វកណ្តៀរ និងអាកាសធាតុ។ សរុបថវិកាដែលបានឧបត្ថម្ភដល់សាលានេះ គឺមានចំនួនប្រមាណ១០.000ដុល្លារអាមេរិក គិតចាប់តាំងពីឆ្នាំ២០១៤ មក។ យើងចង់ឃើញកុមារសិក្សាក្នុងលក្ខខណ្ឌ និងបរិស្ថានល្អប្រសើរជាងមុន។ សព្វថ្ងៃនេះ សិស្សកំពុងសិក្សានៅក្នុងរោងដាំស្លរក្នុងវត្តនៅឡើយ។ ស្របពេលនៃការឧបត្ថម្ភថវិកាថ្ងៃនេះ ណាហ្គាវើលបេះដូងសប្បុរស ក៏បានឧបត្ថម្ភនូវសម្ភារចាំបាច់ដល់កុមារក្រីក្រ និងកុមារកំព្រាក្នុងសាលានេះផងដែរ»។
លោកនាយកសាលា ហែម នៅ បានមានប្រសាសន៍ថា «ប៉ុន្មានឆ្នាំមកហើយ ណាហ្គាវើល គឺជាក្រុមហ៊ុនតែមួយគត់ដែលបានមកទីនេះ និងបាននាំយកនូវសេចក្តីសង្ឃឹមសម្រាប់ពួកយើង។ ណាហ្គាវើល តែងតែនៅជាមួយយើងជានិច្ច។ នេះបង្ហាញថា ណាហ្គាវើលបេះដូងសប្បុរសយកចិត្តទុកដាក់ចំពោះយើង។ ណាហ្គាវើលបានមកសួរសុខទុក្ខយើងជាច្រើនលើក និងបានបរិច្ចាគទាំងថវិកា និងពេលវេលាសម្រាប់សាលារបស់យើង។ គម្រោងកសាងសាលាឡើងវិញនេះ បានចាប់ផ្តើមដោយមានការជួយគាំទ្រពីណាហ្គាវើលបេះដូងសប្បុរស។ ប្រសិនបើគ្មានណាហ្គាវើលបេះដូងសប្បុរសទេ ការកសាងសាលាថ្មីនេះក៏មិនអាចមានបានដែរ។ ណាហ្គាវើលតែងតែបានមកសួរសុខទុក្ខសិស្សរបស់យើង និងបានលើកទឹកចិត្តពួកគេឲ្យខិតខំរៀនជាងមុន ដើម្បីអនាគតរបស់ពួកគេ និងប្រទេសកម្ពុជា។ យើងមិនមានពាក្យអ្វីក្រៅពីពាក្យអរគុណដល់ណាហ្គាវើលបេះដូងសប្បុរសនោះទេ។ តាងនាមឲ្យសិស្សានុសិស្ស និងលោកគ្រូ អ្នកគ្រូ ខ្ញុំសូមថ្លែងអំណរគុណយ៉ាងជ្រាលជ្រៅដល់ណាហ្គាវើលសម្រាប់ការឧបត្ថម្ភថវិកា និងសម្ភារសិក្សាដល់សិស្ស និងសាលារបស់យើង»។
លោក សុខ ភាជ មេឃុំទួលអំពិល ដែលជាតំណាងឲ្យអាជ្ញាធរមូលដ្ឋាន បានមានប្រសាសន៍ថា «ណាហ្គាវើលបានផ្តល់សេចក្តីសង្ឃឹមដល់ពួកយើង។ សាលារៀននេះ បាននិងកំពុងសាងសង់ គឺដោយសារតែមានការចូលរួមចំណែក និងផ្តួចផ្តើមដោយណាហ្គាវើលបេះដូងសប្បុរស។ សិស្សានុសិស្ស លោកគ្រូ អ្នកគ្រូ និងសហគមន៍ មានក្តីរំភើបយ៉ាងក្រៃលែងសម្រាប់ការសាងសង់អគារសាលាថ្មីនេះ។ តំណាងឲ្យអាជ្ញាធរមូលដ្ឋាន និងអ្នកភូមិ ខ្ញុំសូមថ្លែងអំណរគុណដល់ណាហ្គាវើលបេះដូងសប្បុរស សម្រាប់កិច្ចខិតខំប្រឹងប្រែងក្នុងការជួយពួកយើងសាងសង់សាលានេះ» ៕
ប្រភព៖កោះសន្តិភាព
loading...
0 comments:
Post a Comment