បន្ទាប់ពីបានធ្វើបទបង្ហាញទាក់ទងនឹង iPhone SE ដែលជា iPhone ម៉ូដែលថ្មីរួចមក Apple មិនបានឈប់ត្រឹមនេះទេ ក្នុងនោះក្រុមហ៊ុនអេឡិចត្រូនិកមានមូលដ្ឋាននៅអាមេរិកមួយនេះ បានឆ្លៀតមកអួតបង្ហាញ iPad ស៊េរីថ្មីទៀត គឺ iPad Pro អេក្រង់ទំហំ ៩.៧អីុញ។ ដូច្នេះចង់ដឹងថា iPad ថ្មីនេះ ពិសេសយ៉ាងណានោះ សូមបន្តអានលក្ខណៈសម្បត្តិរបស់វាទាំងអស់គ្នា។
លក្ខណៈសម្បត្តិរបស់ iPad Pro ទំហំ ៩.៧អីុញ៖
-អេក្រង់៖ iPad ម៉ូដែលថ្មីនេះ មានអេក្រង់ទំហំ៩.៧អ៊ីញ មាន Resolution ទំហំ 2048 x 2732 Pixel ជាពិសេសវាបានបំពាក់មកជាមួយបច្ចេកវិទ្យាអេក្រង់ស៊េរីថ្មីចុងក្រោយគឺ True-Tone Diplay ហើយរួមផ្សំជាមួយ iOS 9.3 វានឹងជួយឲ្យការស្ទង់កម្រិតពន្លឺដោយប្រើ Ambient Sensors មានប្រសិទ្ធភាពកាន់តែខ្ពស់ទៅតាមស្ថានភាពនីមួយៗ។
-បន្ទះ Chip ៖ Apple A9X Chip នឹងដើរតួក្នុងការដំណើរការ iPad ស៊េរីថ្មីនេះ ដូចនៅលើ iPad Pro ទំហំ ១២អីុញដែរ ហើយលើសពីនេះទៀតវាបានភ្ជាប់មកជាមួយ RAM ដល់ទៅ 4GB ឯណោះ ដែលនេះនឹងជួយឲ្យការលេងហ្គេម និងការដំណើរការកម្មវិធីផ្សេងៗ ដើរទៅយ៉ាងរលូនតែម្ដង។ ក្នុងនោះ Speaker ចំនួន៤ ក៏នឹងធ្វើឲ្យបទពិសោធន៍ ក្នុងការស្ដាប់សំឡេងរបស់អ្នកឈានដល់កម្រិតខ្ពស់មួយទៀតដែរ។
-កាមេរ៉ា៖ iPad ត្រូវបានអភិវឌ្ឍកាមេរ៉ាឲ្យមានទំហំដល់ទៅ 12MP ប្រភេទ iSight Camer ហើយសម្រាប់កាមេរ៉ាមុខវិញ ក៏ត្រូវបានដំឡើងដូចគ្នា គឺ 5MP ដែលវានឹងជួយឲ្យការផ្ដិតយករូបភាពផ្សេងៗ និងការ Selfie កាន់តែមានភាពច្បាស់ល្អ។ ក្នុងនោះវាក៏មាន Retina Flash ដែរ (Selfie ដោយជះពន្លឺពីអេក្រង់)។ ក្រៅពីនេះ iPad Pro ជំនាន់ថ្មីរបស់ Apple ក៏អាចប្រើប្រាស់ប៊ិច Apple Pencil និង Smart Keyboard បាន ដោយមិនចាំបាច់ប្រើ Bluetooth ដោយសារវាបានភ្ជាប់មកជាមួយ Smart Connector រួចជាស្រេច។ ជាចុងក្រោយសម្រាប់តម្លៃគឺ៖ ៥៩៩ដុល្លារ សម្រាប់ទំហំ ៣២GB, (WIFI) ៧៤៩ដុល្លារសម្រាប់ទំហំ ១២៨GB, (WIFI) ៨៩៩ដុល្លារសម្រាប់ទំហំ ២៥៦GB, (WIFI) iPad Pro នឹងត្រូវបានដាក់ឲ្យកុម៉្មង់ទិញចាប់ពីថ្ងៃទី២៤ ខែមីនានេះទៅ ហើយសម្រាប់ការចេញលក់គឺចាប់ពីថ្ងៃទី៣១ ខែមីនា។
loading...
0 comments:
Post a Comment