ពលរដ្ឋខ្លះអត់ជូនដំណើរសពដល់ខេត្តទេ តែសុខចិត្តឈរជូនដំណើរនៅតាមដងផ្លូវ

ភ្នំពេញ៖ អ្នកចូលរួមខ្លះ អាចសុខចិត្តជូនដំណើរសពលោក កែម ឡី ដល់កន្លែងបូជាសព។ តែអ្នកខ្លះទៀត បានត្រឹមតែជូនដំណើរសពនៅតាមដងផ្លូវប៉ុណ្ណោះ។ ពួកគេលើកដៃជូនដំណើរ និងសម្តែងការគោរពចំពោះសពលោក បណ្ឌិត កែម ឡី។ អ្នកសារព័ត៌មានអេឡិចត្រូនិកថ្មីៗដែលស្ថិតនៅកន្លែងពិធីដង្ហែសពបាន សម្ភាសន៍អ្នកចូលរួមពិធីដង្ហែសពថា មូលហេតុអ្វីបានជាពួកគេលះបង់ចូលរួមពិធីនេះ អ្នកចូលរួមបានឆ្លើយប្រាប់អ្នកសារព័ត៌មានថ្មីៗវិញថា លោកបណ្ឌិត កែម ឡី គឺជាអ្នកសេ្នហាជាតិ ស្រឡាញ់ជាតិ ជាវីរបុរស និងជាបុគ្គលស្លូតត្រង់៕