មន្ត្រីប៉ុស្តិ៍រដ្ឋបាលក្រែក បានប្រាប់ឲ្យដឹងថា ស្ត្រីរងគ្រោះឈ្មោះ ហូវ សុខហេង អាយុ៣០ឆ្នាំ រស់នៅភូមិកើតហេតុ ។ ខណៈមេឃកំពុងតែបង្អុរភ្លៀង ស្ត្រីរងគ្រោះបានចេញមកងូតទឹក និងបោកសម្លៀកបំពាក់នៅខាងក្រៅផ្ទះនៅខាងក្រោមទរបង្ហូរពីលើដំបូល ស្របពេលនោះស្រាប់តែរន្ទះបានបាញ់មកចំស្ត្រីរងគ្រោះជាហេតុបណ្តាល ឲ្យដួលដេកទៅលើដីស្លាប់ភ្លាមៗមួយរំពេចតែម្តង ។
មន្ត្រីប៉ុស្តិ៍រដ្ឋបាលក្រែក បានប្រាប់ឲ្យដឹងថា បន្ទាប់មកបុរសជាប្តីបានរត់ចេញមកក្រៅមើលឃើញពីហេតុការណ៍ប្រពន្ធ ស្លាប់ក៏បានទ្រហោរយំ ហើយបានភ្ញាក់ផ្អើលដល់សមត្ថកិច្ច ។ ក្នុងពេលនោះសមត្ថកិច្ចប៉ុស្តិ៍រដ្ឋបាលក្រែក បានចុះទៅពិនិត្យសពឃើញមានស្នាមខ្មៅរោលត្រង់ក និងខ្លួនប្រាណ ដោយសារតែត្រូវរន្ទះបាញ់ ចំណែកខ្សែកដែលពាក់នៅនឹងកត្រូវបានជ្រុះដាច់ជាកំណាត់ៗ ៕
ប្រភព៖ កោះសន្តិភាព
loading...
0 comments:
Post a Comment