ចំពោះអ្នកស្រី ពណ៌បៃតងឆ្លុះបញ្ចាំងពីសុភមង្គល និងជាពណ៌ដ៏ល្អបំផុតក្នុងលោក។ ដូច្នេះ អ្នកស្រីមិនប្រាថ្នាចង់ប្រើពណ៌អ្វីផ្សេងទៀតទេ។
បច្ចុប្បន្ន អ្នកស្រីតែងតែលេងសក់ពណ៌បៃតង គ្រឿងតែងកាយសណ្ឋានពណ៌បៃតង ហើយសម្ភារប្រើដែលអ្នកស្រីទិញភាគច្រើនចាប់ពីកន្សែងពោះគោ និងផលិតផលថែទាំស្បែកដល់គ្រឿងសង្ហារិម និងសម្ភារប្រើប្រាស់ផ្សេងៗក៏មានពណ៌រុក្ខជាតិនេះដែរ។
អ្នកស្រី ស្វីតហាត បានប្រាប់ The New York Times ថា៖ «វាបានកើតឡើងតាមធម្មជាតិ។ ប្រហែលជាខ្ញុំនឹកដល់ពណ៌បៃតងនៅជុំវិញខ្លួនខ្ញុំ»។
អ្វីដែលអ្នកស្រីដឹងគឺថា ពណ៌បៃតងធ្វើឲ្យអ្នកស្រីរីករាយ។ វិចិត្រករវ័យ ៧៥ ឆ្នាំរូបនេះក៏តែងកាយបែបនេះពីព្រោះវាធ្វើឲ្យមនុស្សម្នាសប្បាយ ផងដែរ។ ស្វាមីអ្នកស្រី ឈ្មោះ ឌីឡាន បានអះអាងថា៖ «វាពិតជាគួរឲ្យរីករាយ។ មនុស្សម្នាបានស្រែកចេញពីរថយន្ដ កុមារចោមរោមគាត់លើរថយន្ដ ហើយភ្ញៀវទេសចរនាំគ្នាថតរូបគាត់។ អ្នកដំណើរភាគច្រើនបានស្រែករំលងផ្លូវហៅគាត់ បានផ្ដល់សញ្ញាមេដៃឲ្យគាត់ និងបានហៅគាត់ថា កញ្ញាបៃតង»។កម្រាលពូក វាំងននបង្អួច កៅអី សូម្បីកំសៀវទឹក ខ្ទះ ប៊ិក និងផលិតផលអនាម័យ ក៏សុទ្ធតែពណ៌បៃតងដែរ។ អ្នកស្រីប្រាប់ពីចំណូលចិត្ដថា៖ «អូ! ទេ! មិនដែលធុញទេ។ ខ្ញុំនៅតែមានអារម្មណ៍ល្អរៀងរាល់ថ្ងៃ»៕
ប្រភព៖ ភ្នំពេញប៉ុស្
loading...
0 comments:
Post a Comment